Ishte viti 1994 kur Domenick Scaglione, nje qytetar amerikan me shpirt të gjerë human, aso kohe kryetar i Fondit Shqiptaro-Amerikan, vizitoi për herë të parë Shqiperinë. I prekur nga nevojat e ndryshme të fëmijëve që ai takoi, që nga ato shprespakta shëndetësore e deri tek ato sociale në kufijtë e mbijetesës, në vitin 1996 , krijoi me fondet e tij Fondacionin Fëmijët Shqiptarë në Tiranë si dhe Fondin e fëmijëve Shqiptarë në New York.

Falë punës dhe vizionit të z.Domenick Scaglione, gjatë 10 viteve të para të punës së Fondacionit Fëmijët Shjqiptarë u bënë të mundura: ngritja e Qendrës së Kërkimeve Genetike dhe Diagnostikimit Molekular në Tiranë për depistimin e bartësve të genit talasemik në popullatën shqiptare, trajtimi i mjaft rasteve urgjente mjeksore nëpër klinika të specializuara në botë, mbështetja për shtëpitë e fëmijëve, mbështetja me materiale të shumë fëmijëve në nevojë etj.

Z.Domenick Scaglione do të mbahet mend për kontributin dhe humanizmin e tij ndaj shëndetit dhe mirëqënies së fëmijëve dhe familjeve shqiptare në nevojë, për përkushtimin e jashtëzakonshëm të treguar ndaj popullit dhe demokracisë shqiptare si dhe për angazhimin e përhershëm në zhvillimin e ekonomisë shqiptare nëpërmjet forcimit të bashkëpunimit mes Shqipërisë dhe Shteteve të Bashkuara të Amerikës”.

Z.Scaglione është nderuar me urdhrin e larte “Nënë Tereza” nga presidenti Mejdani si dhe me Urdhërin “Gjergj Kastriot Skenderbeu” nga presidenti I Republikes Bujar Nishani .

Vizionari Scaglione shprehej shpesh që ndihma ndaj fëmijëve në nevojë nuk janë disa sende materiale, por investimi për të ardhmen e tyre. Fondacioni Fëmijët Shqiptarë, ashtu si edhe në këto vite, do të të vashdojë të drejtojë me të njëjtën filozofi dhe dashuri misionin e ngritur prej tij.
Mirënjohje dhe nderim përjetë z.Scaglione .