Një grup këshilltarësh pranë zyrës së kryeministrit të Maqedonisë kanë vizituar më datat 21 dhe 22 Tetor 2015 qëndrat rajonale për autizmin 1&2 . Grupi përbehej nga këshilltari i kryeministrit për punën dhe politikat sociale, z. Krste Maljanovsk, si dhe nga këshilltarët e shtetit znj. Lidija Krstevska Dojnicovska dhe znj. Jasminka Vaskova-Tashkova. Ata u pritën nga presidentja e Fondacionit Fëmijët Shqiptare Dr.Liri Berisha, si dhe drejtues dhe punonjës të Qëndrave të Autizmit.

Të njohur me vlerësimet e shkëlqyera për qëndrat tona nga kolegë pranë Shkolles Speciale dhe Institutit për rehabiltimin e të folurit dhe dëgjimin në vendin e tyre, vizitorët nga Maqedonia synonin njohjen dhe marrjen e eksperiencave më të mira që Fondacioni Fëmijët Shqiptarë ka aplikuar në drejtim të ngritjes dhe funksionimit të tyre, me qëllim ngirtjen e një modeli të tillë qëndre edhe në shtetin Maqedonas.

Në kuadër të këtij interesi, Dr. Ariel Çomo, i njohu vizitorët me trajtimet e fëmijëve në momente terapie, pajisjet që përdoren në qëndra, literaturën e adoptuar, procedurat e brëndëshme të organizimit të punëve si dhe punën që bëhet me familjet e fëmijëve.

Palët shkëmbyen edhe dhuratat e rastit, ku Fondacioni Fëmijët Shqiptarë u dhuroi vizitorëve libra dhe DVD për programet që zhvllohen në Qëndër ndërsa dr.Liri Berishës ju dhurua një pikturë me autorësi të amabasadorit të Maqedonisë.